Dazzling Cafe (皇室堡) (已結業)

原本一直都有聽過呢間cafe，想試左好耐但一直都未搵到時間去，見到佢搞緊優惠，我朋友又有七折，所以就去食下啦。 果日我地6點去到都已經好多人，我地叫左明太子意粉，黑松露薯條，同埋抹茶麻糬窩夫。個明太子意粉都幾足料，每條面都沾到明太子，唔錯唔錯。反而個薯條就比較失色，只係將啲黑松露醬點左上去，一pat pat 甘，又無咩味，好一般。最有驚喜係個窩夫，外脆，入面啲麻糬好煙韌，口感好好，抹茶味都食到，所以係幾好既一個甜品，我同朋友差啲想encore，只可惜太飽。 有7折計番每個人都好抵，但無折既話我可能會淨係因為個窩夫再去食。