幻 (已結業)

人生第一次食omakase, 就嗌左個最貴嘅set😆呢間餐廳係呀jer, jeremy同肥仔開架～雖然我唔係粉絲黎朝聖果隻，但食完覺得野食極高質真心有保證，碟碟賣相又靚，超級喜出望外架😍前菜：魚籽白飯魚小松菜、水茄刺身6點：-海膽帶子牡丹蝦，底下係三文魚籽汁-極大隻肥美嘅蠔，有我手掌咁長-爽口嘅日本象拔蚌，青瓜卷住嘅係裙邊，碟邊係黑松露鹽-池魚，面頭舖左黑松露乾片同薑絲，最底係黑蒜汁-紅酒慢煮魚肝，一點點嘅係京都黑七味粉。第一次食魚肝，師傅話佢地特意煮得再腍身啲，配黑七味粉都係佢地嘅創意黎，呢碟勁有新意好好食-清酒慢煮飽魚配飽魚肝醬一品料理：金鯛立鱗燒配白松露野菌汁。將金鯛魚嘅魚鱗炸到香脆，一啖食落去食到脆卜卜又有滑嫩嘅魚肉！+$1有個鐵板鮑魚大優惠，旁邊有d叫做白海藻，可以點個海膽忌廉汁一齊食，個口感好得意架壽司9貫。好鍾意睇師傅認真細膩咁製作壽司，見到每個步驟都好講究～壽司基本上魚、蝦、毛蟹、貝類都有齊，仲有海膽，全部食材都好鮮甜😍食完壽司仲有個勾翅，大蜆麵豉湯，西瓜&紅豆丸子。Happy friday食到完美嘅omakase好滿足，比呢度嘅師傅滿分🤩