輕鬆麻辣 (已結業)

去食既原因有兩個，朋友想係尖沙咀H8搵食，但係全橦都好多人，另外既原因係除左滿江紅，尖咀冇咩地方有麻辣食舖頭就係地舖，唔使等位，有卡位同埋圓枱坐，茶餐廳既格局，有英文既menu，亦見到好多外國客人食。開宗明義食麻辣，但竟然有點心同燒味飯食。今次目的係食麻辣，就叫左以下幾個餸，總體感覺係麻辣款式多選擇，就算水煮都有別於其他正宗四川舖頭咁有唔同配料，價錢實惠，而且賣相唔差水煮肥腸，88蚊好大個湯兜，同一杯水煮無特別，但係食水煮豬腸真係第一次，辣味夠，麻味略微，不過肥腸份量幾多，而且好大舊，唔錯辣子雞，88蚊有別於四川舖頭既大堆頭辣椒，雞件反而比辣椒更多，切得都算大舊，辣味一般，麻味欠奉涼拌雲耳，28蚊小食黎計，份量算多，而且汁調得幾好，好juicy，幾好味，如果多少少青瓜同凍啲會更好酸辣粉（藕片，豬肚絲），38蚊份量算少，如果男人只食呢個會唔夠，有辣度選擇，要少辣，豬肚同藕片份量反而幾多，味道好不過麻味唔夠咸檸雪碧，跟餐加9蚊如果堂食酸辣粉加9蚊可以叫幾種特色飲品，眼見有幾枱客人都係粉加飲品，以47蚊價錢食晚餐算幾抵咸檸雪碧不嬲係我首選，解辣又解渴，而且係冰檸底上加一罐雪碧，我地兩個人叫左