新星海鮮酒家 (已結業)

又係同家人嘆茶的日子，是日去了親戚家附近的新星。好在時間尚早，都唔算好多人，都唔使等好耐。一定要食流沙包，真係好流，果然係招牌，好滿足。蝦腸﹕很滑，蝦都唔少，亦好爽，正。叉燒包﹕普普通通，勝在夠熱。蒸排骨﹕好入味，不過排骨有少少肥，所以唔敢食太多。除左一般成日叫既點心，佢地出左新野，大賣健康。虫草花玉子豆腐﹕個樣好靚，好特別，係我最鍾意既玉子豆腐，好開心。節瓜甫﹕唔似點心，好似食餸咁，都幾得意，但老人家就幾啱食。紅棗糕﹕初時以為係凍食，點知係蒸既，好重紅棗味。我就麻麻地，因為對紅棗冇乜好感，但表妹就好欣賞，4舊食左2舊。勁!!!依家d後生女成日怕肥，所以都唔願同老人家飲茶，所以一路都好希望可以飲茶飲得健康d，等佢地0藉口......希望酒樓可以多d有益又好味的點心。