8鍋臭臭鍋 (金巴利道) (已結業)

早兩日帶朋友嚟試吓呢間臭臭鍋，台灣嘅臭臭鍋我之前食過，今次試呢一間，無論佢嘅味道、外貌上同台灣都好似，因為太掛住台灣了，所以特登嚟食返餐台灣的味道。由於嚟食之前已經食咗啲小食，所以我哋兩個叫咗一鍋嚟食走狗，另外再加左啲小食。佢哋Menu上嘅款式都幾多，最新推出左隻咖喱奶蓋鍋，但由於我朋友唔食辣，所以冇叫到，而我哋就叫咗個芝士牛奶鍋，另外將白飯轉咗做滷肉飯，再加多一碟大腸試吓。原來佢哋之前拎u週刊我最喜愛食肆大獎。先講個芝士牛奶鍋，佢嘅湯都幾多同埋味道濃，一嚟梗係要試一啖先，配料都幾豐富，我最愛就係佢嗰日式年糕，煙煙銀銀同埋佢冇雪藏味。之後我哋忍唔住食個滷肉飯，佢哋嘅滷肉飯都比較多肥肉，但入口真係好香，原本兩個人食一碗都忍唔住要叫多碗。飲品方便就冇乜特別，不過我覺得呢個價錢配埋咁大杯飲品就真係好抵，食嘅過程其實都飲唔晒，我哋都係邊行邊飲。