名館 (已結業)

平時好少同屋企人夜晚會食中菜，今日去咗中環呢間麵館度食，真係好驚喜呀😘叉燒一啲都唔肥，而且好友蜜汁味，食完會好想再食！ ！平時都唔係特別鍾意食叉燒，但係今日食咗好多😂😂乳鴿好好食，平時好驚食到啲乳鴿好老，但係呢隻唔會，啲肉好嫩，而且燒得好好味，超級香呀！未試過去食中菜食淮山，但係呢個梅菜蒸淮山真係非常好食！ ！梅菜鹹鹹地，配埋淮山一流！啲淮山就算唔同梅菜一齊食到索晒梅菜啲汁，唔會太過早口味但係好開胃！有子蝦球超級正！啲炸粉冇落到好多，入面真係好有蝦味！蝦餃同埋燕窩流沙包真係好可愛！整得好精細，食到食得開心D😍魚米之鄉原來係魚炒飯😂啲魚肉好嫩，啲飯又炒到粒粒分明，又唔會太重口味！安格斯牛樓粒好好食，但最值得一讚嘅都係啲薯仔！薯仔有炸過，而且有陣甜甜地嘅味，好食到不得了！個甜品好靚，差啲唔捨得食，連平時嘴刁嘅媽媽都話好好食架😍