鰹烏冬 (駱駝漆大廈第三座)

營業中

休息中

鰹烏冬由得長沙灣一間店開始食，食到依間觀塘都有，仲要網購平台都有佢嘅烏冬賣，證明佢啲烏冬真係好高質，好多人欣賞。今日第一次食呢間分店，質素保持不變，佢嘅鰹魚湯咖哩烏冬，咖哩湯底好濃夠杰身，掛上烏冬度，啖啖都滿滿咖哩。另外叫多個天婦羅，呢個相對就冇咁出色，炸衣唔夠脆，不過入面嘅蝦唔會乾，都仲彈牙。鰹烏冬相對較貴，因為烏冬同其他餸係分開叫，但如果淨食烏冬就太過dry，建議2個人嚟，可以叫個餸share 食就最抵。