木槿花韓牛專門店 (已結業)

香港供應高級美味韓牛嘅餐廳並唔多，要數正宗有質素保證嘅都唔能夠輕易食到，最緊要係可以合理價錢吃到高質靚韓牛，必試！星期六晚上大概七點半左右到，人蠻多的，整家店很熱鬧，不過店內有兩層，座位算多，所以好幸運可以即入😈想要一次過試勻多個部分就要點厚切韓牛燒烤套餐👻 前菜有韓牛他他即係生拌牛肉，將牛肉用雪梨、芝麻油、葱蒜等調味醃過，再將牛肉同雞蛋撈勻，口感柔軟滑溜，絲毫沒有肉嘅羶味，新鮮美味！主角就梗係厚切韓牛燒烤拼盤⭐️⭐️肉眼扒肉味香且有嚼頭，將烤好嘅牛肉沾上鹽巴品嘗原味，又或者可以放係生菜上，無咁油膩之餘，感覺更有層次。牛肋條燒至僅熟即食，封門柳係比較稀有嘅部位，入口好似棉花糖咁輕軟，但非常有咬口，油香四射。食完一輪肉食，以雪濃湯作結，正好幫我地解膩☺️整個用餐過程店員都會幫忙燒，完全不用自己動手，可以舒服地吃燒肉。韓牛肉味相當濃郁，肉質比和牛有咬口但唔韌，呢道真係一個好地方去感受最正宗地道嘅韓國風味🤘🏻