火將軍外賣專門店

營業中

休息中

呢間食肆我幫趁咗冇8次都有6、7次，次次都掛住食唔記得影相，今次終於記得啦😆。我仲記得第1次入去買外賣，係佢開業冇耐，我比門口啲食物相吸引，第一次係叫咗生炸脆皮雞脾煎蛋飯，同亞瑪咖哩薯仔牛腩飯。炸雞脾好香脆好味，仲有蔥油配襯，正👍🏻👍🏻👍🏻，咖哩牛腩都好好食，不過我嫌牛腩少😆。之後幾次外賣我都必定係炸雞脾飯做胆，再試其他不同野食，試過海南雞飯、川辣口水雞飯，而我個人會較鍾意口水雞既味道，不過2款雞飯都係屬於多骨少肉😅；又試過花膠雞濃湯米線，湯都幾好味😋；厚切吉列豬扒煎蛋飯既豬扒又係好香好脆好食😋；家鄉冬菇滷肉飯，味道係好好食，啲汁真係好似炆冬菇既濃汁😋，對於我呢啲鍾意撈汁食飯既人黎講啱晒😋；而今晚除咗炸雞脾飯，我就試咗黑糖醬油雞脾煎蛋飯，呢款雞脾都唔錯，啲雞肉好滑，不過我都係鍾意炸雞脾多啲😋😋除咗飯，佢地既例湯同將軍奶茶都好飲。😋我每次都會叫😆。報告完畢😆😆😆