PizzaExpress (已搬遷) 新店位置

很久以前來過，當時覺得這裏的薄餅都幾好，但餅底唔夠厚(我們比較喜歡厚底的)；昨晚經過，忽然又想食，便和辣椒女二個來再試試。昨晚都好多人，窗口邊的位已經沒有了，只好坐中間位。我們叫了雞肉凱撒沙律、意大利傳統薄餅、菠菜千層寬麵和凍檸茶(可添飲)。雞肉凱撒沙律- 雞胸肉味道一般、烘麵包粒好脆、沙律醬味道都幾濃、焗麵包球好有口感、又鬆軟，作為飯前開胃菜又真係幾好。意大利傳統薄餅- 薄餅底好有口感，唔會好薄像餅乾一樣，面的mozzarella如能夠再多一點就最好了，蕃茄汁味道幾好，但就多了點。我們兩個也比較喜歡傳統式的那種，唔多喜歡太多料的那種(一般香港人喜歡的口味)。這裏的薄餅都唔錯，值得再試。菠菜千層寬麵- 寬麵幾滑，蕃茄味太濃，完全食唔出有菠菜味，味道就真係好一般。凍檸茶(可添飲) - 自已自由落糖漿，唔喜歡太甜的朋友就最好了，可惜檸檬唔係太靚，味道普通。