漁正居酒屋

營業中

休息中

放工後去居酒屋傾下偈好正，可以食不同的食物，慢慢食，飲下野，食下野又傾一陣，好Chill. 同埋這間店好近地鐵站，一出在右手邊就見到。非常有日式風格，用屏風和木傢俱為主，好傳統呀。見到做緊優惠，好大折扣，叫了鹽燒吞拿魚下顎、味噌燒蠔和象拔蚌刺身。另外，叫了芥辣八爪魚、煎豬肉菜餃子、雞皮餃子(3串) 、燒牛小排、串燒：鴨心串、雞腎串、雞軟骨串、雞皮串和燒豬頸肉。餐廳好有次序咁上菜：冷盤、部分串燒、餃子、燒牛小排、剩下串燒、鹽燒吞拿魚下顎、最尾味噌燒蠔。象拔蚌刺身比我想像多，$280抵食！鮮甜味道、肉質滑嫩，推介！芥辣八爪魚：細細碟、中度的芥辣味，八爪魚配上青瓜絲，中和一下芥辣味。煎豬肉菜餃子外皮的底部煎得好脆，內裡有肉汁。雞皮餃子(3串) 好特別，似雞翼釀餃子，但雞皮好脆。好香的雞油味溢出。燒牛小排肉質滑嫩，表面有炭香味，推介！串燒：鴨心串、雞腎串、雞軟骨串、雞皮串和燒豬頸肉。鹽燒吞拿魚下顎，好多肉，超級滑，有豐富魚油，有代肚感，推介！最尾味噌燒蠔，原價$78/2隻，現在$48/2隻，算大隻和厚肉，加上日式味噌，味道濃郁！注意：有七折優惠和部分酒水有買一送一優惠。