金滿堂甜品

營業中

休息中

以前係九龍塘讀書，成日同同學仔黎九龍城呢度食泰國野，食完飯就黎呢間金滿堂食甜品。所以呢間野可以話充斥著滿滿的回憶。宜家人大了，同學仔都有各自既家庭，已經好少再一齊聚。好多年無再黎食甜品，今晚有緣經過再買了一盒以前最愛——麥提莎糯米糍回家食。軟綿綿的外層包住入面脆卜卜既朱古力麥提莎，仍然都係咁滋味，好快就清晒一盒5粒！我地班同學每個都改變了好多，香港都變了很多，難得的是呢度一點都無變，依然係我當年吃的這一種味道，確是令人懷念。