影片
更多
2015-11-06
1311 瀏覽
有去過名古屋旅遊嘅朋友，都知道當地有一間獨沽一味只賣手羽先 (即係炸雞翅，冇咗雞槌部分嘅炸雞翼) 同啤酒嘅食店，叫「世界の山ちゃん」。個間嘢聞外國內海外，單喺名古屋市已經有36間分店，分店網絡更加發展至東京、大阪、福岡等大城市，而家仲勁到喺國外嘅曼谷市中心同香港尖沙咀開分店！有香港份喎，小妹當然唔會放過去試下佢。入到去，稍為見到有啲日本清酒、海報同埋擺設放喺牆邊，不過裝修就唔算跟足日式食店風格。而間鋪都算有番咁上下大間，應該坐到一百人左右。因為小妹已經喺名古屋食過，所以對於間嘢已經有基本印象。入到去佢會有張紙仔教你點樣正確食隻炸雞翅，in case你連張紙仔都廢事睇，連個筷子套都係教學！確保你食之前一定睇過說明先！至於點解要跟足佢指示做，係因為咁樣食法會確保你可以將雞翅食得乾乾淨淨冇手尾，仲可以快速食完一隻又一隻！主角登場！香噴噴嘅炸雞翼，同喺日本食嘅基本上係冇分別。雞翼以秘制椒鹽醬料醃過，臨上枱前燒起，做到嘅外脆內暖嘅效果。雞翼食落當然係好惹味，不過對於唔係食太濃味嘅人嚟講係會鹹咗啲。而如果你一開頭係有聽書，跟足教學去食呢，雞翼就好容易咬得開嘅。不過，啲雞翼就好細隻兼冇乜肉嘅，兩啖食
有去過名古屋旅遊嘅朋友，都知道當地有一間獨沽一味只賣手羽先 (即係炸雞翅，冇咗雞槌部分嘅炸雞翼) 同啤酒嘅食店，叫「世界の山ちゃん」。個間嘢聞外國內海外，單喺名古屋市已經有36間分店，分店網絡更加發展至東京、大阪、福岡等大城市，而家仲勁到喺國外嘅曼谷市中心同香港尖沙咀開分店！有香港份喎，小妹當然唔會放過去試下佢。
入到去，稍為見到有啲日本清酒、海報同埋擺設放喺牆邊，不過裝修就唔算跟足日式食店風格。而間鋪都算有番咁上下大間，應該坐到一百人左右。
因為小妹已經喺名古屋食過，所以對於間嘢已經有基本印象。入到去佢會有張紙仔教你點樣正確食隻炸雞翅，in case你連張紙仔都廢事睇，連個筷子套都係教學！確保你食之前一定睇過說明先！至於點解要跟足佢指示做，係因為咁樣食法會確保你可以將雞翅食得乾乾淨淨冇手尾，仲可以快速食完一隻又一隻！
主角登場！香噴噴嘅炸雞翼，同喺日本食嘅基本上係冇分別。雞翼以秘制椒鹽醬料醃過，臨上枱前燒起，做到嘅外脆內暖嘅效果。雞翼食落當然係好惹味，不過對於唔係食太濃味嘅人嚟講係會鹹咗啲。而如果你一開頭係有聽書，跟足教學去食呢，雞翼就好容易咬得開嘅。不過，啲雞翼就好細隻兼冇乜肉嘅，兩啖食完一隻。。不過呢個日本個邊都係咁，因為人地係當呢味嘢係下酒菜，用嚟夾啤酒飲。不過因為味道真係太濃太鹹嘅關係，食完基本上係要飲嘢，所以其實食食完都會飽嘅。
講到飲嘢，小妹同朋友就分別叫咗鮮榨檸檬燒酎同鮮榨西柚燒酎。燒酎其實即係燒酒咁解，咁成杯嘢最得意嘅係，佢鮮榨嘅方式，係真係叫你自己落手落腳鮮榨！比埋器皿同半個檸檬 / 西柚俾你！至於味道就預期之內啦，都係帶水果味嘅燒酒咁，都算幾解渴，同埋你會放心自己飲落口嘅係真材實料囉！
同場仲叫咗啲小食，包括一口芝士、枝豆同芥末八爪魚。
一口芝士就好香濃兼起到絲，食落口感同味道都濃郁，但大家眼見只係得個小小嘅五粒。。。至於個枝豆，上菜個陣係凍嘅，食落口鮮甜，但我朋友就諗啲豆應該係熱著嚟食，所以對佢以言有少少落差。
芥辣八爪魚就份量偏小，只係以一個好細裝牆料嘅兜裝住。食落係真係好入味同重芥辣味，好刺激到味蕾，食完成個口連埋個鼻都精神為之一振。不過講到尾真係太細兜囉。。
嚟個簡單總結，炸雞翅就真係做到日本嘅水準，至於其他嘢。。唔係話唔好食，但係份量小。。可能食完呢餐之後，仲要另外搵嘢食填飽個肚！張貼
