瑞士咖啡室 (已結業)

放假嘅時侯，好想食啲簡單但係又自己整唔到嘅嘢。行一整條灣仔道， 有連鎖快餐，有麵食，有土耳其烤餅，但全部都總是覺得太複雜。望到瑞士茶餐廳，就諗起簡簡單單出晒名好味道瑞士雞翼。好令人懷念嘅瑞士汁，我諗都唔諗就上去叫咗呢個招牌瑞士雞翼公仔麵。 烘底多士配火腿蛋奄列，成個餐好地道，每樣野都唔求其做得非常好。西多士寒底，非常脆口，咬落軟身。瑞士雞翼好香，佢個汁就係精華所在，一啲都唔鹹甜甜地，簡直撈乜都食。普通咖啡都整到成杯Cappuccino 咁 ，仲要未到入口甘香幼滑，咖啡香氣濃郁，泡沫細緻。呢個世界級水準其他咖啡店好難做到。