Harlan's Cake Shop (已結業)

因為我響公司最好姊妹既同事生日，想買個好啲既蛋糕過佢食，雖然佢請佢食飯，但小小心意響公司同佢兩個呀姐一齊食，行過就買左呢個幾特別既蛋糕（可能近情人節）所以啲蛋糕好女性化😂有朵玫瑰花仲粉紅色（其實我好怕）但我諗佢會鐘意呢個紅莓玫瑰荔枝mousse朱古力蛋糕。花花（以為係cream唧出黎或染色白朱古力，原來係糖膠⋯⋯），食落mousse唔甜，包住層朱古力蛋糕無乜味唔係特別軟，有啲啲荔枝果肉做夾心（睇好唔好彩切到果舊有），唔講大家都唔知個蛋糕其實係咩味。一陣風都唔知食左乜就食完，大呀姐一問我響邊度買，我話Harlan ，佢即爆左句「哦～下欄野」😂真係唔知好嬲定好笑。細細個$238唔平，但味道就真係有種Harlan既味道，你懂的🙄