影片
更多
2013-10-29
699 瀏覽
好耐冇去北角，夜晚專程去和富道睇下有乜新餐廳。經過勝利小廚，見到有間乾乾淨淨食牛肉麵新餐廳，於是冇睇價錢就入左去啦。打開餐牌，見碗牛肉麵賣$222，即刻後悔，後來老闆過來介紹，原來呢間係宮廷式藥膳牛肉麵，老闆話係祖傳秘坊，又煮又燉，前前後後制作成20小時。老闆建議我地兩人叫一碗試下，佢另推介豬手麵，話有豐富骨膠原。最後叫左拍青瓜、一碗牛肉麵同香葱餅。爽脆青瓜，蒜蓉同調味好好，係我暫時食過最好食嘅拍青瓜。牛肉麵到啦，都幾大碗。試下啖湯先，清味之中又有少少藥材味，好好飲。麵條就中上啦。到牛肉，好腍、入口即融、又有牛肉原味加上淡淡藥材味，特別的好味。食完成碗牛肉麵先到香葱餅，原來即叫即整。超多葱，又夠香，內裏juicy，好有自家制感覺，後悔每人只要一件，但再order又唔知要等多久，算吧。老闆突然送杯自家制豆漿，又滑又有豆味，多謝老闆！整體而言，食物水準高，看得見用心製作，不過價錢高，我擔心香港人未必接受到，但我個人覺得value for money.
經過勝利小廚，見到有間乾乾淨淨食牛肉麵新餐廳，於是冇睇價錢就入左去啦。打開餐牌，見碗牛肉麵賣$222，即刻後悔，後來老闆過來介紹，原來呢間係宮廷式藥膳牛肉麵，老闆話係祖傳秘坊，又煮又燉，前前後後制作成20小時。老闆建議我地兩人叫一碗試下，佢另推介豬手麵，話有豐富骨膠原。最後叫左拍青瓜、一碗牛肉麵同香葱餅。
爽脆青瓜，蒜蓉同調味好好，係我暫時食過最好食嘅拍青瓜。
牛肉麵到啦，都幾大碗。試下啖湯先，清味之中又有少少藥材味，好好飲。麵條就中上啦。到牛肉，好腍、入口即融、又有牛肉原味加上淡淡藥材味，特別的好味。
食完成碗牛肉麵先到香葱餅，原來即叫即整。超多葱，又夠香，內裏juicy，好有自家制感覺，後悔每人只要一件，但再order又唔知要等多久，算吧。
老闆突然送杯自家制豆漿，又滑又有豆味，多謝老闆！整體而言，食物水準高，看得見用心製作，不過價錢高，我擔心香港人未必接受到，但我個人覺得value for money.
張貼
