MOS Burger (已結業)

今日唔想食飯，所以就嚟食burger。又因為成日叫餐，所以我決定叫兩個burger，唔要嘢飲同薯條！ 我叫咗一個最basic嘅摩斯漢堡同埋一個黑醋雞肉漢堡。可能因為廚房少人，所以等咗20分鐘先有得食。兩個包都熱辣辣，呢個係我最欣賞mos burger嘅地方。 塊mos burger厚切番茄好juicy好fresh，塊漢堡扒比較厚，再加埋啲大大粒又多到爆晒出嚟嘅生洋蔥粒，咬落去勁有口感，食多10次都唔悶。個黑醋雞肉漢堡就無咁特別，但係塊炸雞都幾厚身同埋炸粉唔係好厚。