影片
更多
2023-12-27
127 瀏覽
最近食過性價比最高嘅餐廳一定係呢間，由沙律頭盤到主菜甜品，樣樣嘢都好好食， presentation又靚，味道又恰到好處，除咗食到食材嘅鮮味同埋原有味道之外，廚師嘅觸角、創意同調味，完美昇華咗搭配過嘅食材，令本身已經好好食嘅菜式，再上到另一個層次，最令我意想不到嘅係價錢真係好好好好好合理。當晚食過而有最推薦嘅菜式：三層海鮮塔，有帆立貝、蟹餅、紅蝦，食材新鮮好食，又啱打卡，竟然只係hkd158。我當晚食緊嗰陣，已經即刻share俾我啲朋友，叫佢哋一定要嚟試。個羊架都好出色，佢唔係嗰啲剩係得肥膏嘅羊架，肥瘦均勻，肉質鮮嫩，一食就知唔係比較高質嘅貨源，羊架上面嘅炸蒜，調味恰到好處，增添咗羊架嘅口感，同出面其他地方用炸麵包糠嘅羊架好唔同。最重要係呢個set有沙律有串燒有羊架加埋甜品心太軟，都唔使hkd300。講開個set真係要講吓個沙律，焦糖無花果加新鮮嘅蕃茄仔同蔬菜，廚師用無花果在自製個沙律汁，份量多到好似個正餐咁，我同朋友食晒同埋係咁讚好食。單點叫咗個煙燻石垣牛，4oz定價hkd368，鍾意食牛嘅朋友唔使諗，去到嗌就得，一定唔會投訴。疏乎厘同心太軟都好高質。已經寫到好長，真心推薦大家自己去
由沙律頭盤到主菜甜品，樣樣嘢都好好食， presentation又靚，味道又恰到好處，除咗食到食材嘅鮮味同埋原有味道之外，廚師嘅觸角、創意同調味，完美昇華咗搭配過嘅食材，令本身已經好好食嘅菜式，再上到另一個層次，最令我意想不到嘅係價錢真係好好好好好合理。
當晚食過而有最推薦嘅菜式：
三層海鮮塔，有帆立貝、蟹餅、紅蝦，食材新鮮好食，又啱打卡，竟然只係hkd158。我當晚食緊嗰陣，已經即刻share俾我啲朋友，叫佢哋一定要嚟試。
個羊架都好出色，佢唔係嗰啲剩係得肥膏嘅羊架，肥瘦均勻，肉質鮮嫩，一食就知唔係比較高質嘅貨源，羊架上面嘅炸蒜，調味恰到好處，增添咗羊架嘅口感，同出面其他地方用炸麵包糠嘅羊架好唔同。最重要係呢個set有沙律有串燒有羊架加埋甜品心太軟，都唔使hkd300。
講開個set真係要講吓個沙律，焦糖無花果加新鮮嘅蕃茄仔同蔬菜，廚師用無花果在自製個沙律汁，份量多到好似個正餐咁，我同朋友食晒同埋係咁讚好食。
單點叫咗個煙燻石垣牛，4oz定價hkd368，鍾意食牛嘅朋友唔使諗，去到嗌就得，一定唔會投訴。
疏乎厘同心太軟都好高質。已經寫到好長，真心推薦大家自己去試吓。
當晚食過嘅所有嘢都好驚喜同埋好味，我即晚已經介紹咗俾身邊嘅朋友，有兩個朋友已經試咗，都話好好食一定會再返去，我自己當然都會再返去，仲有太多菜式未試。呢篇唔係廣告，去試吓你就明點解我話呢間餐廳咁值得食同埋性價比高，我敢講呢間餐廳好食過好多貴佢一兩倍嘅fine dining。如果佢成千蚊位，我覺得佢有呢個質素係合理，但係如果兩個人食，呢個份量質素擺盤同服務，埋單每人唔使hkd500 ，今時今日喺香港尖沙咀，呢間真係大推。一間用心製作嘅餐廳同團隊真係好值得一個你去試吓嘅機會，又好食又抵食嘅餐廳真係買少見少，最後我希望佢哋可以保持水準，長食長有。
14 瀏覽
0 讚好
0 留言
張貼
