閨•家 (寶榮大廈) (已結業)

咖哩豬扒飯$50，咖喱味好香濃，咖喱汁比較濃稠，小辣其實都冇乜辣味，想食辣嘅朋友建議揀中辣或者大辣，豬扒好鬆軟，一咬就咬開，好好食，而且份量都多，入邊仲配左甘筍同薯仔粒，配埋咖喱汁一齊食好正，白飯份量好多，細食嘅朋友可以叫小飯😆跟餐會送小盅老火湯，主打冇味精及熬煮4小時，每一日都不同款，今日係蘋果紅蘿蔔沙參煲鹹排骨，幾滋潤又下火，必飲！！為左均衡飲食仲加左碟菜心$12，職員好貼心會問客人啲菜配蠔油、豉油或者全走，我個人覺得菜心同蠔油係絕配，凍檸蜜跟餐加$7，冬天真係需要多啲滋潤嘅食物呀☺️