草民 (已結業)

介紹返呢之前食嘅尖沙咀cafe先~ 呢間cafe最出名就係室內草地，一秒影出野餐感！🌿雖然坐到草地corner，但可惜我係夜晚去，影唔到自然光呢，不過食物背景係草地都幾特別嘅~成晚最鍾意一定係抹茶心太軟， 抹茶味濃得嚟唔會太over，一切開就流心令人心情愉悅。暖笠笠嘅心太軟配vanilla雪糕，好味！孜然雞翼亦都冇令人失望，超級熱辣辣，肉嫩唔dry。主菜揀咗黑松露醬貝柱芝士意大利飯同茄汁鮮蝦青囗扁意粉， 意大利飯做到al dente，有意大利餐廳出品嘅口感，意粉幾開胃，但整體海鮮只係普通，食完冇印象。我覺得配肉好似會好食啲。其實去之前我睇咗幾十個食評，好彩做足功課，嗌嗰啲全部都唔錯！因為已經隔咗好耐，所以menu可能唔同咗喇，不過我相信抹茶心太軟同雞翼應該都重喺度嘅！👅PS Grassman專屬咖啡拉花，好得意。