金記冰室 (Two Harbour Square) (已結業)

以前放工成日行海濱公園再去番觀塘站搭車番屋企，一年多冇行，原來附近都改哂，多左好多商業大廈同食肆～～😳行到倦倦地就走左入去金記冰室hea 下～～一入門口就有麵包櫃，脹卜卜既麵包好似好好食🤤～～坐低見到餐牌就俾隻肥髀相引誘左⋯⋯最後都係揀左生炸雞髀🍗拼公仔麵～～正呀，完全係茶餐廳必點之一！！另外，仲點左沙嗲牛肉軍艦🥪，黑牛🐃同白雪公主👸生炸雞髀賣相好吸引，根本就赤裸裸話我知佢好好食咁😋～～配埋火腿蛋沙律，真係茶記個隻傳統沙律，有薯仔、蘋果、甘筍粒架～overall 唔錯，只係個炸髀咸左少少🤏公仔麵都還可以，但食完個炸髀都飽飽地，下次唔駛加多個麵😂至於沙嗲牛肉就比較濃味，但正正因為咁，個軍艦入邊加左菠蘿粒粒，可以中和番沙嗲味～～麵包有烘過再搽牛油，牛肉軟淋，沙嗲醬都唔錯～～咁因為太耐冇見過特色飲品：黑牛同白雪公主😂😂忍唔住點左，如果唔係會要番茶餐廳奶茶～～而家既人都未必知係咩，其實即係汽水加雪糕！！2樣都各有各味道；白雪公主就清新，雪碧配雲尼拿雪糕；而黑牛就濃郁，可樂配朱古力雪糕～～飲完即刻解左炸髀既咸，爽歪歪呢🥳🥳