太平洋咖啡

營業中

休息中

嚟到屯門市中心行街，想坐低一陣，除咗真係食啲好飽肚嘅嘢食，仲可以去咖啡店坐下。不過市中心其實平日同假日同樣都係超級多人，就算有位坐都到已經即刻俾人佔用咗。於是就行到嚟呢間Pacific發覺平日嘅下晝仲有位，於是坐低唞吓，買杯嘢飲啦。味道同其他分店一樣，因為鼠尾草唔鍾意咖啡因嘅飲品，所以每次都嗌冇咖啡因嘅選擇。檸檬茶同其他分店一樣感覺唔太新鮮，茶底亦都一般，不過呢個都係因為連鎖店。而芒果沙冰都係有啲糖漿嘅味，不過夏天嚟講有沙冰都好正。