十二味不只是烤魚 (已結業)

依家香港開咗越來越多烤魚店，而之前都有食過十二味呢個集團，覺得唔錯，所以特登過嚟食下佢哋嘅烤魚。七點去到嘅時候已經坐滿晒，我哋入咗入咗一陣仲要等位，所以想食嘅朋友要早啲尼！比較平有2款魚:鯇魚、清江魚，前者會比較多骨，但係就多肉啲，後者會比較小骨，同埋係大骨，但係會比較少肉，因為我哋都係得兩個人，所以叫咗清江魚。鍾意食辣嘅我哋梗係叫招牌香辣味啦，不過可能迎合香港人嘅口味，其實對我來講真係唔算太辣！鍾意食辣嘅朋友可以要求加多啲辣。魚鮮味，唔會腥，而且同麻辣好夾！其他配料正正常常都唔使多講，不過兩個人食嘅話真係唔使叫咁多配料，我同朋友最後都食唔晒🙈順帶一提，其他12味有嘅嘢佢都有，所以如果唔鍾意食魚嘅朋友都可以叫其他嘢！