影片
更多
2011-05-20
3546 瀏覽
以前都唔知呢間店係餅店。因為個店面好華麗,我一直以為係一間結婚用品或wedding planner 之類的店，直到今年生日。因為老公趕唔切收鋪前去攞蛋糕，唯有叫我去攞自己的生日蛋糕。因為我冇單又會比預定時間早到，所以我出門前打比店家問明，聽電話個女士好斯文，好nice。直至嗰刻我都唔知我要去的就係呢間店，尤其是附近都有幾間出名的餅店，我以為係另一間，到車到門口，我仲問司機間餅店响邊，邊度有餅店，佢就指住呢度個門口，我半信半疑咁推門入去，因為當時兩位店員都有其他客人，我就四圍望下，入面有幾個人咁高的大型蛋糕外，店的一角有個餅櫃，放滿咗一排排好靚好精緻的迷你蛋糕，睇返之前的食評 (即係啱啱) 我先知呢D迷你蛋糕就係佢地的cup cake，因為靚得太緊要，同有好多唔同款，我以為佢哋係假架~ 我以為嗰D只係sample，即係食店嗰D dummy。真係失禮嘞其實都等咗十分鍾有多，但店內個氣氛，我趕趕地時間都唔好意思打斷人哋去催，我當時心諗仲有我入門時己經有另一個客人等緊，都唔知要等幾耐添。好在呢個時候其中一個店員(老細?)忙完過嚟問我有咩幫到我，我同佢講我想攞蛋糕佢就知道我係邊個，我諗佢就係聽電
因為老公趕唔切收鋪前去攞蛋糕，唯有叫我去攞自己的生日蛋糕。因為我冇單又會比預定時間早到，所以我出門前打比店家問明，聽電話個女士好斯文，好nice。直至嗰刻我都唔知我要去的就係呢間店，尤其是附近都有幾間出名的餅店，我以為係另一間，到車到門口，我仲問司機間餅店响邊，邊度有餅店，佢就指住呢度個門口，我半信半疑咁推門入去，因為當時兩位店員都有其他客人，我就四圍望下，入面有幾個人咁高的大型蛋糕外，店的一角有個餅櫃，放滿咗一排排好靚好精緻的迷你蛋糕，睇返之前的食評 (即係啱啱) 我先知呢D迷你蛋糕就係佢地的cup cake，因為靚得太緊要，同有好多唔同款，我以為佢哋係假架~ 我以為嗰D只係sample，即係食店嗰D dummy。真係失禮嘞
其實都等咗十分鍾有多，但店內個氣氛，我趕趕地時間都唔好意思打斷人哋去催，我當時心諗仲有我入門時己經有另一個客人等緊，都唔知要等幾耐添。好在呢個時候其中一個店員(老細?)忙完過嚟問我有咩幫到我，我同佢講我想攞蛋糕佢就知道我係邊個，我諗佢就係聽電話嗰位女士。
當佢攞個蛋糕出嚟時，我一望到即刻心諗(係咪應該用從心讚歎貼切D呢?) "好靚呀<3"~ 唔知佢有冇發現我雙眼發光嗰一吓呢?
但我保持冷靜同佢講個蛋糕好靚，表示OK，呢位女士就一邊同我傾偈一邊將個蛋糕入盒包好。可能佢哋平時D蛋糕要多D空間去保存/保護蛋糕上的裝飾，雖然我個蛋糕只係一磅，但造"帽邊"個底令佢整個底大咗，所以我個盒好大，唔知以為我買咗個5磅的蛋糕。好在咁啱嗰日清咗個雪櫃，但個盒個高度我要攞出一個層格先放得入。
因為個蛋糕款唔係老公揀而係落單的女士話幫佢設計，所以切蛋前全屋只有我見過吓個蛋糕， 我打開個盒前同佢哋講我個蛋糕靚得好緊要，但當時我形容唔到個樣比佢哋聽(因為我都望咗一望)，到個盒打開一刻，全家人都嘩咗出嚟。
一層過的圓型蛋糕墊响一張圓型的硬咭上，但唔係放响正中，放過咗少少，做到一頂禮帽咁樣。全個蛋糕同墊住的硬咭都鋪咗一層淡粉紅色的忌廉，再响上面用白色忌廉唧咗好似古典/歐式牆紙/窗簾嗰d "S" 花紋,圍住個蛋糕係一條1吋多闊的紫色"絲帶"，條絲帶的質地好似細路仔玩嗰d泥膠咁，上面壓咗好清晰的花紋，其實呢D"泥膠"係用咩做呢? 仲有好多同"紫色絲帶"一樣質地的彩色小花"隨意"咁鋪响"帽"上面裝飾。前面的"帽邊" 上放咗大大塊絲帶形狀的白朱古力牌，寫齊咁多個人名,日期同個message, 足足三大行字。
到食蛋糕嘞，因為佢咁靚，我好鄉里咁諗住都係好睇唔好食多，點知入面係一層又一層的朱古力蛋糕同朱古力夾心，層朱古力夾心係好似好多脆米的甘脆朱古力咁,唔太甜,又勁朱古力，真係冇諗過個蛋糕原來睇得又食得，真係好surprised x 2!
無論造型，味道，包裝以致服務都令我哋滿意滿分，我覺得絶對超值。嚟緊下個月囡囡生日，諗住再定一個立體蛋糕攞去學校比佢開生日會，所以上嚟想搵返個電話問下應該幾時落ORDER。睇到其他食評的相，先知原來佢哋的CUPCAKE都已經咁靚，我諗我會改訂CUPCAKE比佢哋一人一個，唔洗切餅分餅，又可以有好多唔同款式同試到唔同味道。到時一定逐個影靚靚相再post上嚟。
張貼
