大將

營業中

休息中

今晚同朋友一行四人來打邊爐，8:30有折。抵食啲🤭反正朋友都要八點幾先收工。每人一鑊可以任揀湯底。係一個好嘅選擇，因為可以試唔同嘅湯。每人都有個碗可以出去夾嘢。都係嗰啲丸餃子菜金菇。牛幾好食唔差呢個價錢嚟講，另外要一睇魚好滑。每次比幾舊仔。有個女仔侍應幾好，其實佢餐牌選擇不多肉類同海鮮。我叫佢每樣都攞。佢有同我講分兩次幫我落。到第二次再叫係一個男侍應，呢個就差啲。佢叫我逐樣講俾佢聽要乜嘢😌😌唔明點解要簡單複雜化。不過算啦😂最開心係有格仔餅。記住整完一定要攤一陣。先至好落朱古力或者士多啤梨汁。咁樣先會脆卜卜㗎。如果有砂糖牛油同煉奶落就真係正到爆😂😂🤭🤭