影片
更多
2016-12-25
664 瀏覽
今日同女朋友諗住係灣仔搵間好嘢食，經過呢間鋪嘅時候望落都ok，冇search過就入咗去，食完就後悔啦。一入去比咗張廚房枱我哋，一大陣漂白水味，極唔開胃，就要求轉枱，侍應嘅態度就開始惡劣。我哋叫咗個二人套餐，好快上咗一個沙律俾我哋，不過由於份量少，所以我問一下侍應係咪有兩個沙律，佢就話 “吓，你係咪叫咗一個二人餐呀，一個餐就梗係得一份沙律架啦”，語氣同態度極為惡劣，之後睇到啲菜好唔新鮮，所以掂都冇掂過。之後上咗兩個白湯，根本只係用粉開嘅湯，好似加咗少量打碎咗嘅nuts就冇其他湯料。到主菜，叫咗一份肉眼同巴馬火腿意大利幼麵，肉眼大約都算係五成熟，但表面部份煎到硬咗，茶記水準。薯仔係配菜，只係白烚加上芝士同調味料係面，仲要上到枱有幾舊變咗薯蓉，爛曬，食落毫無味道，只有少少芝士味。另外個意粉，一攞起個碟，隻手就feel到有油，一啲都唔乾淨，為求快啲食完就走嘅我哋都冇叫佢換啦，賣相還可以，不過火腿就好似街邊極平嘅一樣，連平時係超市買嘅都好食過佢。最後到飲品同甜品，我從未試過咁難飲嘅凍檸茶，味道係龜苓膏一樣，飲咗一啖就放棄咗。個甜品係焦糖燉蛋，賣相一啲都唔好，一食落就知預早整落。如果你有睇曬我所講
一入去比咗張廚房枱我哋，一大陣漂白水味，極唔開胃，就要求轉枱，侍應嘅態度就開始惡劣。我哋叫咗個二人套餐，好快上咗一個沙律俾我哋，不過由於份量少，所以我問一下侍應係咪有兩個沙律，佢就話 “吓，你係咪叫咗一個二人餐呀，一個餐就梗係得一份沙律架啦”，語氣同態度極為惡劣，之後睇到啲菜好唔新鮮，所以掂都冇掂過。之後上咗兩個白湯，根本只係用粉開嘅湯，好似加咗少量打碎咗嘅nuts就冇其他湯料。
到主菜，叫咗一份肉眼同巴馬火腿意大利幼麵，肉眼大約都算係五成熟，但表面部份煎到硬咗，茶記水準。薯仔係配菜，只係白烚加上芝士同調味料係面，仲要上到枱有幾舊變咗薯蓉，爛曬，食落毫無味道，只有少少芝士味。
另外個意粉，一攞起個碟，隻手就feel到有油，一啲都唔乾淨，為求快啲食完就走嘅我哋都冇叫佢換啦，賣相還可以，不過火腿就好似街邊極平嘅一樣，連平時係超市買嘅都好食過佢。
最後到飲品同甜品，我從未試過咁難飲嘅凍檸茶，味道係龜苓膏一樣，飲咗一啖就放棄咗。個甜品係焦糖燉蛋，賣相一啲都唔好，一食落就知預早整落。
如果你有睇曬我所講嘅嘢，就千祈唔好食呢間嘢，因為唔好食又唔抵，去隔離茶記好過。
張貼