影片
更多
2009-04-02
28 瀏覽
以前來過食lunch, 水準不錯, 今次book左位試下佢地的晚餐, 我要左一個威靈頓鵝肝牛柳套餐($98), 我太太則要一個叫鵝肝併牛柳超值套餐($148)首先送上一籃蒜蓉包, 每人有兩片, 焗得夠乾, 夠硬身, 有牛油味, 但好奇怪點解蒜蓉包無咩蒜蓉味的呢?威靈頓鵝肝牛柳即係用酥皮包住牛柳同鵝肝去焗, 酥皮夠熱, 牛柳有嚼頭但卻唔un, 肉質不錯, 但鵝肝卻焗太熟, 始終牛扒同鵝肝的時間始終不同, 放在一起同焗實有所偏差, 跟餐的意粉份量不多, 有少量香草碎鋪面, 但係卻唔熱而且頗硬身鵝肝併牛柳超值套餐的餐係酥皮海鮮湯, 酥皮夠熱但唔夠乾身, 海鮮湯只係忌廉湯加左大量蜆肉, 完全無其他海鮮, 甚為失望, 頭盤田螺酥皮盒似係來貨, 無咩特別, 鵝肝煎得唔錯, 面頭有少少燶, 入口即溶, 而牛柳有兩小件, 肉質頗'林', 生熟程度控制得幾好, 但d薯菜就可能因為冷氣太大而吹到凍晒個超值套餐的甜品係木糠布甸, 餅碎因為用左麥維他, 而唔係傳統的瑪莉餅, 所以比較甜, 但忌廉打得幼滑, 細心誠意之作後來追加了兩隻芝士焗生蠔($30), 係用上新鮮開的生蠔去焗, 但芝士味淡, 而且焗得太熟
首先送上一籃蒜蓉包, 每人有兩片, 焗得夠乾, 夠硬身, 有牛油味, 但好奇怪點解蒜蓉包無咩蒜蓉味的呢?
威靈頓鵝肝牛柳即係用酥皮包住牛柳同鵝肝去焗, 酥皮夠熱, 牛柳有嚼頭但卻唔un, 肉質不錯, 但鵝肝卻焗太熟, 始終牛扒同鵝肝的時間始終不同, 放在一起同焗實有所偏差, 跟餐的意粉份量不多, 有少量香草碎鋪面, 但係卻唔熱而且頗硬身
鵝肝併牛柳超值套餐的餐係酥皮海鮮湯, 酥皮夠熱但唔夠乾身, 海鮮湯只係忌廉湯加左大量蜆肉, 完全無其他海鮮, 甚為失望, 頭盤田螺酥皮盒似係來貨, 無咩特別, 鵝肝煎得唔錯, 面頭有少少燶, 入口即溶, 而牛柳有兩小件, 肉質頗'林', 生熟程度控制得幾好, 但d薯菜就可能因為冷氣太大而吹到凍晒
個超值套餐的甜品係木糠布甸, 餅碎因為用左麥維他, 而唔係傳統的瑪莉餅, 所以比較甜, 但忌廉打得幼滑, 細心誠意之作
後來追加了兩隻芝士焗生蠔($30), 係用上新鮮開的生蠔去焗, 但芝士味淡, 而且焗得太熟, 我自己覺得菠菜蓉加芝士焗會好味好多
另再叫了朱古力軟心蛋糕($40), 等左成十五分鐘才熱辣辣送上, 蛋糕焗得好靚, 有一個雲哩拿雪糕球, 一片薄waffle, 一小片薄荷葉, 而且焗得剛剛好, 夠流心, 可惜朱古力味偏淡, 影響了整體水準
呢度的普通主菜可加$15轉為套餐, 有餐湯同餐飲, 其實呢間誠意小店都做得不錯, 凍飲唔駛加錢, 又唔駛加一, 連貼士都唔駛比, , 其實矮d同黑黑實實男侍應同高大的jason服務又不錯, 可惜被個黑面後生的女侍應(唔係老闆娘)破壞晒, 不過我覺得lunch來食會更抵食!!
張貼
