大家樂 (已結業)

因為工作關係 今日又同同事到左康城呢個荒島...開工前緊係要醫飽個肚先有氣力同客人先生小姐嘈交😂康城早餐既選擇當然少之又少...再加上星期六既關係....每間鋪都要排長龍.....本身諗住麥當勞了事 但原來麥當勞都要等位.....KFC就更加唔洗講 本身座位已經唔多 就食完既枱又已經有左右門神等緊佢地張枱 應該等到早餐時段完左先有位坐.....所以就轉戰去大家樂....點知大家樂都係一樣要等位.....不過始終大家樂座位多好多 所以好快就已經等到位等到位就即係叫野食有三部自助機可以點餐 唔洗排隊好方便大家樂早餐必點之選 牛尾湯扭扭粉配楓糖雞扒 牛油餐包+熱鴛鴦其實平時我真係唔好通粉呢類食物 次次去茶餐廳都係叫雪菜肉絲米/沙嗲牛肉麵 一定唔會揀通粉便主食但唔知點解大家樂呢個牛尾湯扭扭粉就一食愛上 仲要食左好多年都未膩😂另外塊雞塊個皮煎到好脆 塊扒有好多肉汁 再加埋個楓糖汁 帶帶少少甜甜地既味道 好好味當然唔少得成個餐既靈魂---牛油餐包一塊有厚度既牛油 夾落一個有微溫既香軟餐包中間 極直係完美☺️呢塊牛油係就算食完肥十磅都要繼續食😂再加埋杯鴛鴦 我充滿力量去同班客人打架喇💪🏻