Cascara (已結業)

位於廟街嘅一間Cafe，遠處就會比佢型格嘅裝修吸引到。𝟙. 煙三文魚牛油果貝果貝果烘完外脆內裡煙靭，口感一流。雖然張相影唔到佢真正嘅size，佢係我食過咁多間貝果裏面最大嘅，想少少地食個tea嘅話其實係足夠兩個人分黎食。裏面嘅牛油果值得一讚，熟度同香味都好足夠！建議可以喺旁邊再加多啲沙律菜。𝟚. Hot Cappuccino 咖啡味香濃，同奶泡嘅比例啱啱好，飲落去好滑。拉花都好靚，啱哂打卡。Overall都幾滿意，睇得出佢哋有心機去準備食材，有機會都會嚟試埋其他Menu上面嘅食物。