蘇媽.蘇媽馬來西亞茶餐室 (已結業)

今日去附近睇藝術展，就特登早D 去排隊等，好在只係等左半個鐘多 D，門面由內到外都充滿左馬來西亞風味，即刻好感度提升。我地一行兩人叫左三樣嘢都幾飽。1. 咖央多士多士烘得外脆內軟不在話下，內裡咖央醬嘅濃味簡直令我回想去旅行嘅回憶，而又唔膩。2. 肉骨茶叫左一字骨，男朋友覺得性價比高，有得食下肉之餘又可以吮下骨，啲肉湯同藥材味平衡得好好，添飲仲唔洗錢添！3. 傳統老鼠粉感覺好似韓式石頭飯，熱辣辣奉上，有好多配料，我最鍾意嘅就係 D 魚仔同肉碎，當然仲有豉油，撈埋老鼠粉，好好味呀。4. 椰汁斑蘭冰呢樣嘢好新奇呀，顧名思義椰汁+斑蘭，仲有西米，估唔到係斑蘭可以飲！總結：值得再戰，試下其他菜式！