龍鳳祥餃子館 (已結業)

今日帶細佬去西九龍中心練習溜冰，練完之後有少少肚餓，細佬要食餃子，見到三樓有間龍鳳祥餃子店就入去試下。店舖雖然細，但坐得舒服😌，餃子款色多，餡料有各式各樣，亦有不同湯底自選。餃子的醬料亦齊全😋蒜蓉拍黃瓜-蒜蓉味好香濃，加入莞茜好惹味。雞絲雙醬冷麵-醬油可以按個人喜好按多少選擇，麵底非常彈牙，蔬菜非常豐富好健康，小小辣辣地好好味😋肉三鮮，有韭菜、鮮蝦、豬肉餡料，自選了蕃茄湯底，湯底入面有茹及蔬菜，好適合小朋友食。大大隻餃子咬開啖啖肉，餡料好多好新鮮，陪埋湯底一齊食，絕配