睿海御宴 (已結業)

又係喺附近做嘢，做到食晚飯時間，見到對面招牌「睿海御宴」好似新開，就決定來醫肚。一樓樓上店，環境舒適。我鍾意食香口野，即件即點脆皮滷水五層肉，皮脆肉嫩的燒肉，口感極好，再加上豬肉曾經滷水醃過，多咗一種鹹香，要來送酒或送飯都非常好。另一款惹味高級煲仔菜，孜然鮑魚雞煲，熱騰騰非常有鑊氣，上枱面前再炒一炒，香氣冒出，鮮鮑魚煎香好食好多，加埋孜然，更加帶出鮑魚的味道。炒咗碟菜，瑤柱扒豆苗味道豐富，瑤柱汁非常好味。