Antoshimo Cafe & Bakery (Mikiki) (已結業)

每次黎呢度食晏都係為左佢個免費甜品，lunch 黎食都真係超值。今日叫左個蕃茄薯仔炆雞定食，最平60 蚊。餐飲蜜桃茶唔錯，唔會太甜又有桃味。定食就的的骰骰樣樣有d,阿媽薯仔炆雞炆得多，但就真係未試過用蕃茄汁。個汁甜甜地幾好味，撈飯一流，可惜係個飯太少。薯仔炆得好腍好入味，個豚肉就比較鞋口，不過d 菜吸收左 胡麻醬都不錯。中間紫薯好香甜，仲有湯送都算幾豐富。最期待既甜品時間係呢個海鹽焦糖冬甩新地，冬甩係煙煙韌韌既波堤冬甩，又帶少少脆。個醬焦糖得黎又帶點咸咸地，配埋雪糕真係超正，不過今日個雪糕雪得太硬。