憶食尚臘味煲仔飯 (已結業)

Weekend同屋企人出左尖沙咀行街，到左夜晚食飯時間，屋企人中意食中菜，係尖沙咀搵食，上網睇到呢間好似唔錯！酸辣湯空心麵第一道菜食呢個開下個胃，麵條細幼柔軟質感，酸酸辣辣，胃口大增之餘又刺激味蕾！清蒸鮮腌海鯧魚魚肉質感少少實肉，但有甘香可口嘅感覺，似食緊咸鮮魚嘅感覺，初次食咁嘅做法都唔錯！好驚喜大熱天時有臘味煲仔飯！臘味食到豬肉鮮甜，無咩脂肪，同平日食嘅完全唔同，感覺新鮮得多！米飯同飯焦索哂臘味精華，再加醬油，好好味！以後想食臘味煲仔飯幾時黎食都可以！清涼薏米水有熱同凍之分，有檸檬味，飲落感覺清新！最後送上甜品，御髮膳粥，甜度剛好，感覺食緊紫米露與喳喳之間，好多材料，足料！