德藝會

營業中

休息中

今晚朋友帶到這間Club One 德藝會食中菜晚飯，環境寧願，地方闊落，招呼周到。平日有晚飯孖寶及小菜。蒜香魷魚酥$88, 炸得金黃香酥，乾身不油膩，粉漿不會太厚，有些炸蒜舖面，好香口惹味，沾上醋汁更可減油膩感。XO甜豆炒螺片炒得頗有鑊氣，甜豆脆綠無渣，口感爽甜，螺片份量頗多，口感爽口，用XO 醬炒更惹味，送飯一流。姜葱魚籽蟹炒飯，份量大碟，飯粒炒得分明而乾身，配上大量魚籽，蔥粒及薑粒，好味而賣相又加分。