香港華商銀行公會 (裝修中)

早幾日去左中環見工，見好耐無見過表姐就約定左佢喺中環晚飯，表姐話要帶我去食中菜,於是就去左華商銀行公會...表姐話呢度只接待會員,所以跟住佢先有得食😂一到去職員好快就安排入座,並且介紹我哋啲熱門菜式.首先我哋點了一個南乳鱔球,一上枱就聞到撲鼻嘅南乳香,鱔球雖然炸過但肉質仍然鮮嫩,好有特色!我最喜歡嘅就係金沙南瓜片,今年興起了鹹蛋黃風,所以我哋要跟上潮流,南瓜片的外層有薄薄嘅鹹蛋王漿,入面嘅南瓜好夠粉,外脆內軟，我喜歡呢個對比我哋另外點了杏汁花膠燉白肺湯,呢個湯圓好飲一啲都唔容易,杏仁嘅味道夠香濃，飲完後喉嚨覺得好滋潤! 表姐好鍾意食響螺,所以我哋特地點了兩隻海鮮焗響螺,響安裏面有洋蔥薯仔仲有蟹肉,好足料! 我哋仲點了一個杞子雲耳浸勝瓜,湯底非常鮮甜,勝瓜亦很鮮嫩..加分!表姐話唔好錯過甜品,仲話呢度嘅薑汁糕同埋西米布甸不得不試,西米口感軟硬適中,有淡淡的蛋香,而且裏面仲有芋蓉,有驚喜! 薑汁糕亦亦是考功夫之作,亦無令我地失望!