影片
更多
2019-03-21
1491 瀏覽
朋友之前食過話呢間餐廳唔錯，呢日想同兩老食好啲 ，於是就 book 咗去呢度食飯。老豆話想食焗釀鮮響螺，於是我哋每人叫咗1隻，響螺焗得剛剛好，香口之餘，餡料保留濕潤，唔會乾爭爭，食到粒粒彈牙螺肉，加埋洋蔥同蟹肉，又鮮又有咬口，yummy! 梅菜扣肉煲以熱鍋上，好有穫氣，梅菜爽口唔會死咸，扣肉肉質煙韌，一啲都唔柴，肥肉食落甘香唔油膩，吸咗梅菜香味嘅扣肉，真係好送飯。花膠海皇羹食到爽爽哋口嘅花膠絲，海皇羹食落唔會好杰身，但又唔會水汪汪咁，濃稠調較得啱啱好，蝦仁好彈牙，清清哋幾好味。杞子圓肉浸勝瓜好鮮甜，勝瓜又嫩又爽甜，出面多數只會加杞子，呢度加埋圓肉，令勝瓜多一份桂圓清香味，好食! 薑葱粉絲鱔球煲真係叮一聲，我哋都係見到好多人叫，我哋又跟住叫。鱔球已起骨，食落好厚肉，一啲泥腥味都無，鱔肉有薑葱香味，肉質富彈性，好新鮮，配埋索晒精華嘅粉絲，好食到停唔到口。鮑汁章魚雞粒飯飯粒炒得乾身分明，章魚粒唔韌，雞肉唔嚡，配埋鮑汁，好惹味。杏汁雪山包嚟到熱辣辣，外皮鬆脆，裡面嘅杏汁餡好香濃，自己最怕食到啲人工杏仁味，呢個包嘅係真杏仁味，作為呢餐嘅終結，好完美! 用膳期間，店員會不時換碟，亦會主動加茶，以呢
老豆話想食焗釀鮮響螺，於是我哋每人叫咗1隻，響螺焗得剛剛好，香口之餘，餡料保留濕潤，唔會乾爭爭，食到粒粒彈牙螺肉，加埋洋蔥同蟹肉，又鮮又有咬口，yummy!
梅菜扣肉煲以熱鍋上，好有穫氣，梅菜爽口唔會死咸，扣肉肉質煙韌，一啲都唔柴，肥肉食落甘香唔油膩，吸咗梅菜香味嘅扣肉，真係好送飯。
花膠海皇羹食到爽爽哋口嘅花膠絲，海皇羹食落唔會好杰身，但又唔會水汪汪咁，濃稠調較得啱啱好，蝦仁好彈牙，清清哋幾好味。
杞子圓肉浸勝瓜好鮮甜，勝瓜又嫩又爽甜，出面多數只會加杞子，呢度加埋圓肉，令勝瓜多一份桂圓清香味，好食!
薑葱粉絲鱔球煲真係叮一聲，我哋都係見到好多人叫，我哋又跟住叫。鱔球已起骨，食落好厚肉，一啲泥腥味都無，鱔肉有薑葱香味，肉質富彈性，好新鮮，配埋索晒精華嘅粉絲，好食到停唔到口。
鮑汁章魚雞粒飯飯粒炒得乾身分明，章魚粒唔韌，雞肉唔嚡，配埋鮑汁，好惹味。
杏汁雪山包嚟到熱辣辣，外皮鬆脆，裡面嘅杏汁餡好香濃，自己最怕食到啲人工杏仁味，呢個包嘅係真杏仁味，作為呢餐嘅終結，好完美!
用膳期間，店員會不時換碟，亦會主動加茶，以呢度嘅食物同服務質素嚟講，性價比高，兩老都表示滿意。
張貼
