ME'N'U Homemade Fusion (已結業)

ME’N’U 食過好多次....午市晚市都食過，食物基本上係一樣的。 個人喜歡去食Lunch多d. 如果你多人去，記得book位， walk in好多時候都要等。MeNu 有意大利菜、印度菜、土耳其菜、泰菜，十分多元化。試過多次，無論係咩國家既菜式，佢都整得好好味😋😋個人最最最鐘意既就係Chicken Kebab。（可因個人喜好加配牛油果🥑。無論加定唔加，都好好食👍🏻）Kebab落足料。生菜好新鮮，好甜，而雞肉全部都係烤過，好惹味香口。再加埋佢特製既醬汁（味道好豐富，講唔出咩味，好似有d minty，又有 d garlic既味道），好有中東風味。 真係要去試下😋😋😋另外，朋友叫左香蒜蜆肉意粉。炒得香口，有蒜味，蜆肉都新鮮，意粉硬度適中，但黑椒味略重。