Cantina

營業中

休息中

一入到餐廳啱啱坐低，擺咗支茶同手提電話喺枱面，都未坐好整理自己嘅物品。有位外國女侍應行埋嚟第一句就話要收走我支茶，之後就走咗，佢行埋嚟竟然唔係打招呼或者介紹menu？！當下覺得好錯愕，我都冇打開枝茶飲，亦都冇呢個打算，因為我哋個brunch係包任飲汽泡酒。最後去到埋單走人，支茶都冇人主動俾返我，我自己離開中環，覺得好熱先發現支茶真係俾人「沒收」咗。有冇搞錯，從未試過去一間餐廳會俾人沒收私人物品。你可以話我自己都唔記得拎返支茶，但如果一間餐廳係會沒收客人自備飲品嘅話，係咪應該有責任主動俾返客人？又唔係我自己要求比佢哋保管，點解責任會去返客人度？我寫email同餐廳反映，等咗幾日冇回覆，咁冇禮貌嘅餐廳都真係大開眼界。