小茶堂 (已結業)

迎接夏天！大家對台飲嘅熱情應唔會減退，加上越開越多，好似點都有間喺附近。呢間小茶堂，開業一段時間，之前飲過唔錯，地點又就腳，直得回頭…芝士奶蓋烏龍王 (左) $27頂層好濃厚嘅奶蓋，份量差唔多半杯，入口幼滑，芝味洋溢。下層茶底味道一樣特出，叫得烏龍王飲落明顯唔同，茶味夠濃，又有茶香。小山園抹茶鮮奶 (右) $26用嘅係真正抹茶粉，唔係用綠茶呃你，飲落即時feel陣陣回甘。用上明治鮮奶，已經夠晒香滑，仲可以加$2轉做厚鮮奶。另外建議少冰，咁就唔會冰熔咗而味道變淡。