影片
更多
2024-04-17
82 瀏覽
位於彌敦道樓上舖，油麻地就咁行過去既話好易Miss佢既入口，因為個入口係細細的好似去酒店咁款既玻璃門，不過跟住地址細心既人係唔難搵既，搭Lift上二樓就會到，呢日係平日，我六點半黎，點知七點已經坐滿兼有人等位，好在黎得早咋，舖頭入面裝潢唔錯，簡單但又帶有越南風味，相信老闆有花過心思落去，人人都話要食既班蘭糕沽清，又冇得食Tim，唯有留返下次啦！講返啲食物，我個人絕對推介，無論主食定小食都係好味得黎仲要唔貴！芒果沙冰呢次係我第二次黎幫襯，上次個牛油果沙冰已經令我喜出望外，今次因為嗌得多野食，唔想咁流，就嗌芒果沙冰，但係一樣冇令我失望，好味！甜度適中，冰同芒果肉既混合比例做得好好，唔會令人平時飲沙冰果種冰還冰，果還果既感覺，出色！！米紙蝦卷一件會切開兩份，揭開塊業就會露出皮薄餡靚既蝦卷，先清清地咬一小啖，露出入面既料時一定要搽上佢附上既獨特醬料(花生、蘿蔔、麵豉等)，兩者配合果種味道係無得輸，會食到停唔到口同不斷想添加啲醬烤豬肉撈檬+雞絲一上枱第一個感覺係都幾大兜，大大碗男仔都會覺得夠食，而我加既雞絲一樣好多，唔同其他舖頭既無良心，食到我好滿足，味道不在話下，撈埋一齊，烤豬肉肥瘦適中，有烤
講返啲食物，我個人絕對推介，無論主食定小食都係好味得黎仲要唔貴！
芒果沙冰
呢次係我第二次黎幫襯，上次個牛油果沙冰已經令我喜出望外，今次因為嗌得多野食，唔想咁流，就嗌芒果沙冰，但係一樣冇令我失望，好味！甜度適中，冰同芒果肉既混合比例做得好好，唔會令人平時飲沙冰果種冰還冰，果還果既感覺，出色！！
米紙蝦卷
一件會切開兩份，揭開塊業就會露出皮薄餡靚既蝦卷，先清清地咬一小啖，露出入面既料時一定要搽上佢附上既獨特醬料(花生、蘿蔔、麵豉等)，兩者配合果種味道係無得輸，會食到停唔到口同不斷想添加啲醬
烤豬肉撈檬+雞絲
一上枱第一個感覺係都幾大兜，大大碗男仔都會覺得夠食，而我加既雞絲一樣好多，唔同其他舖頭既無良心，食到我好滿足，味道不在話下，撈埋一齊，烤豬肉肥瘦適中，有烤既味道配合落開胃既撈檬汁料，每一啖食完就會想食下一啖
蟹膏蕃茄湯檬
湯係越南既味道，酸酸甜甜好開胃，蟹膏餅係我女友話非常之咁好味，我自己都覺得係好特別既，入口充滿蟹味，但外表似臭豆腐，幾好，份量一樣係足料，仲有豬紅、札肉等配料係湯底，我就食到Lam哂脷
越式香茅雞翼
身為雞翼既愛好者，自不然要食勺全世界既雞翼煮法，呢款越式雞翼唔好平時香港人既口味要醃到入哂味，佢將香茅味停係皮外，但入面既雞肉滑溜同煙靭
越式法包落單可以揀全個上或者開2,3,4，方便分黎食或者女仔入口，喜歡大啖揸住咬既當然可以揀返唔開，一如其他野一樣，足料，味道清爽，令我諗起越南街頭食法包既味道
沙甸軟包
硬包同軟包真係各有各好味，我自己就比較鍾意食軟包，可能個沙甸襯配得太好，新鮮蔬菜配合咸咸地既沙甸，再由軟熟既包覆蓋入口，正！
馬荳糕、紫米糕、芋頭糕
$7一件細細件既甜品，冇令我失望，甜度岩岩好之餘每件都可以稱得上佢個名，馬荳糕有香香既馬荳味，紫米有咬口亦香濃既紫米味，芋頭做既質感好特別，冇左原有芋頭粉狀既口感，造成糕狀一樣好味
張貼
