影片
更多
2020-06-16
419 瀏覽
夏日炎炎，係要食返個刨冰解吓暑🥵銅鑼灣依間日式刨冰店我已經食過三次，真係好好食！😋今次同友人一齊去食，友人都係第一次食依間，所以冇試到新野，直接叫咗三個best seller既刨冰🍧抹茶忌廉焦糖味配白玉（$100）依個抹茶刨冰真係百吃不厭！雖然之前都食過，但每次食第一啖都會比佢既濃厚抹茶味驚艷到，同場友人個個都讚不絕口😋抹茶配上牛奶冰，抹茶微微苦味可以中和牛奶既甜膩，中間夾住焦糖脆脆，口感一流，就算食到最後都keep住啖啖濃厚，唔會話食食下就冇哂味，係依間鋪頭既必食推介！🤩草莓Special配北海道牛乳布丁（$98）草莓special即係草莓牛奶冰，比起抹茶刨冰，依個食落明顯fresh好多，食草莓冰最怕食到好假既草莓糖漿味，但依隻食落真係似係由新鮮草莓加牛奶既味道，甜味適中，唔會過甜，整體食落好舒服，夏天食一流！伯爵奶茶味（$90）至於伯爵茶，相比上面兩款就稍微有啲失色。伯爵茶味唔算好出，而且上面鋪面既只係普通冰，仲要鋪左好多係面，所以有段時間係只食到清水造既冰，而且食食下都會有唔夠味既情況出現，會愈食愈淡，整體滿足感不大。身為伯爵茶迷既我，原本對依款期待最大，但最後有點失望呢。總括而
今次同友人一齊去食，友人都係第一次食依間，所以冇試到新野，直接叫咗三個best seller既刨冰🍧
抹茶忌廉焦糖味配白玉（$100）
抹茶忌廉焦糖味配白玉
$100
13 瀏覽
0 讚好
0 留言
依個抹茶刨冰真係百吃不厭！雖然之前都食過，但每次食第一啖都會比佢既濃厚抹茶味驚艷到，同場友人個個都讚不絕口😋抹茶配上牛奶冰，抹茶微微苦味可以中和牛奶既甜膩，中間夾住焦糖脆脆，口感一流，就算食到最後都keep住啖啖濃厚，唔會話食食下就冇哂味，係依間鋪頭既必食推介！🤩
草莓Special配北海道牛乳布丁（$98）
草莓Special配北海道牛乳布丁
$98
11 瀏覽
0 讚好
0 留言
草莓special即係草莓牛奶冰，比起抹茶刨冰，依個食落明顯fresh好多，食草莓冰最怕食到好假既草莓糖漿味，但依隻食落真係似係由新鮮草莓加牛奶既味道，甜味適中，唔會過甜，整體食落好舒服，夏天食一流！
伯爵奶茶味（$90）
伯爵奶茶味
$90
16 瀏覽
0 讚好
0 留言
至於伯爵茶，相比上面兩款就稍微有啲失色。伯爵茶味唔算好出，而且上面鋪面既只係普通冰，仲要鋪左好多係面，所以有段時間係只食到清水造既冰，而且食食下都會有唔夠味既情況出現，會愈食愈淡，整體滿足感不大。身為伯爵茶迷既我，原本對依款期待最大，但最後有點失望呢。
總括而言，雖然每個刨冰睇落單價頗高，但佢每個刨冰份量都超～級～大，兩個人share食都好夠！加上味道方面真係很不錯，推薦大家經過銅鑼灣都去試一試！口味方面個人排名係：抹茶🍵》草莓🍓》伯爵茶
張貼
