大瀛喜日本料理 (已結業)

行行下旺角好想食日本嘢，但係兩個人食單點既壽司就肯定好貴，所以同朋友決定去食放題。旺角既放題有好多間，今次我地就簡左最近朗豪坊，好方便既大瀛喜。其實之前已經食過呢間，食物質素同服務態都唔錯。我地閒日去食6:00個場，人不算太多但係已經坐滿左一半枱。我地拎住幾袋勝利品，開頭我地係坐二人枱既，但係店員見到後即刻幫我地轉左四人枱。一坐底，當然要點左刺身先啦。聽講第一段時間食既刺身係正好多既！我地乜都有叫啲，重點叫左十條虎蝦同十條甜蝦真係嚟足晒。條條蝦都大大條，真係值得一讚！刺身唔算得上好新鮮，但勝在唔會有雪味或者有未解凍晒既情況出現。平時食放題係絕對唔會叫手卷，因為真係好多飯、而且大大件好易飽。呢度既手卷真係必叫！細細件，又有海膽，一啖一個手卷，正！飲品是雪櫃自取的，一般放題只有有汽飲品，但呢度有埋烏龍茶，啱晒我呢種怕肥既女仔。芝麻炸雞翼我好中意食雞翼，每次食放題必叫既一定係雞翼！佢地既雞翼炸到金黃色，而且不會炸得太乾，能保留肉汁。美食不能盡錄！其實真係食左好多嘢，兩個人食絕對係好抵！值得一讚既係，侍應會自動自覺咁過黎幫客人換碟，服務很好！