光榮冰室 (厚福街) (已結業)

今日遇啱時間響尖沙咀有機會買個蔥油雞扒飯食，果然係超級正！買完番到港島東個飯雖然已經唔係熱辣辣，但仍然好好味，相信如果熱食應該係更更好味！厚厚嘅雞扒味道醃得剛好，煎完仲保持有肉汁同嫩滑，蔥油香又唔係死咸，超好送飯，扒下一啖又一啖⋯⋯搞到我比平時食多咗好多飯囉，真係好可惡😂😂。另外仲買埋雞中翼做下午茶，但係午餐未食完已經忍唔住食咗一隻試味，比較之下覺得個雞扒正啲因為啲雞翼今日稍為過咗啲火，炸得乾身咗啲啲。除咗好味，啲侍應好有禮貌同耐性響百忙中幫啲搞唔掂個安心出行嘅堂食食客去scan。