影片
更多
2022-12-01
17 瀏覽
月尾出糧又可以食餐好了，朋友喺網上面搵到呢間餐廳，話有鍾意嘅月亮裝飾，價錢唔算好貴就去試吓啦。一上到去已經見到一個大大個半月嘅裝飾，入到去燈光比較暗，呼應返太空嘅顏色，亦都用一個個圓形嘅月亮燈，牆上面亦都有梵高嘅星夜同埋太空人嘅畫作。佢地都係用六角形嘅杯，同埋餐具上面都係刻有佢哋餐廳名，餐具都係以黑色為主，同之後嘅餐點都係互相呼應。餐單方面佢哋冇好多花巧嘅選擇，都係一張紙就睇得晒。其實仲好可以專注做好過幾樣食物。首先出場嘅番茄流心蟹肉盒以為普普通通，但係一切蕃茄出嚟就見到有半流心嘅蛋黃，蛋白同蟹肉，好似切蛋糕咁好有驚喜，而且蕃茄上都有金箔，成件事豪華咗，番茄鮮甜唔酸，冇我唔鍾意嘅草青味，本身自己唔係咁鍾意食蕃茄，但係我都不停咁樣食，蟹肉鮮甜，份量亦都好多，配上蛋白口感清新，一齊食落去十分之濕潤，十分開胃。龍蝦湯上菜嘅時候有白色嘅忌廉，以星星嘅形狀畫住繼續呼應住星空嘅主題，質感濃稠，而且龍蝦味好濃，唔會偏酸，每碗龍蝦湯都有半舊龍蝦肉，十分之爽口。過一陣就係虎蝦配龍蝦汁意粉出場，上面有一大隻虎蝦，亦都係十分爽口，意粉份量亦都好足夠，烹調時間亦都係啱啱好令個意粉係十分之煙韌，唔會有個諗嘅問題
一上到去已經見到一個大大個半月嘅裝飾，入到去燈光比較暗，呼應返太空嘅顏色，亦都用一個個圓形嘅月亮燈，牆上面亦都有梵高嘅星夜同埋太空人嘅畫作。佢地都係用六角形嘅杯，同埋餐具上面都係刻有佢哋餐廳名，餐具都係以黑色為主，同之後嘅餐點都係互相呼應。餐單方面佢哋冇好多花巧嘅選擇，都係一張紙就睇得晒。其實仲好可以專注做好過幾樣食物。
首先出場嘅番茄流心蟹肉盒以為普普通通，但係一切蕃茄出嚟就見到有半流心嘅蛋黃，蛋白同蟹肉，好似切蛋糕咁好有驚喜，而且蕃茄上都有金箔，成件事豪華咗，番茄鮮甜唔酸，冇我唔鍾意嘅草青味，本身自己唔係咁鍾意食蕃茄，但係我都不停咁樣食，蟹肉鮮甜，份量亦都好多，配上蛋白口感清新，一齊食落去十分之濕潤，十分開胃。
龍蝦湯上菜嘅時候有白色嘅忌廉，以星星嘅形狀畫住繼續呼應住星空嘅主題，質感濃稠，而且龍蝦味好濃，唔會偏酸，每碗龍蝦湯都有半舊龍蝦肉，十分之爽口。
過一陣就係虎蝦配龍蝦汁意粉出場，上面有一大隻虎蝦，亦都係十分爽口，意粉份量亦都好足夠，烹調時間亦都係啱啱好令個意粉係十分之煙韌，唔會有個諗嘅問題，蒜香味同龍蝦汁入味，與意粉好夾，味道濃郁。
牛肝菌雞卷更加驚喜，雞肉同雞肉之間都有牛肝菌醬食落去十分濕潤，唔會有好乾好柴嘅感覺，食落去仲可以咬到牛肝菌嘅菇，但係亦都冇阻雞皮係十分脆卜卜，就咁食就可以食到雞嘅鮮味，點左佢嘅燒汁又會令到佢更加惹味，薯蓉就十分之creamy，蘆筍同蘿蔔都十分爽口。
最後Tiramisu個碗呼應餐廳主題有驚喜，好似一個隕石咁，打卡一流，食落去口感軟綿同細膩，手指餅嗰個位好濕潤，每一啖食落去都有滿足感。
上菜時間適中，可以每個餐點都慢慢享受完先再上菜，有少少Fine Dining嘅感覺，可以下次再嚟一次。
張貼
