Casa Di Luna (已結業)

成日見啲女仔同呢個月亮影相，所以心思思想嚟，襯今晚約老爸食飯，就揀咗嚟呢度同老爸撐枱腳。一出𨋢就會見到個打卡月亮，入到餐廳有好多星球咁嘅圓燈、太空人掛畫、亦有投影機嘅投射宇宙喺牆上。呢度有晚市套餐，於是簡單每人嗌一個「 Dinner set for one $368 」x2 ，兩個set都有《 蕃茄流心蟹肉盒 》同《 龍蝦湯 》。蕃茄已去皮，切開即見流心蛋同蟹肉，入口清新，蟹肉味道好似吞拿魚。龍蝦湯濃稠度剛好，口感creamy，啖啖龍蝦味。《 炸軟殼蟹白松露意大利粉 》呢個份量多，而且好creamy，味道香濃，意大利粉好掛汁，軟殼蟹好香口惹味，整體膩感皇。《 香煎石理魚柳配海龍皇湯 》海龍皇湯香濃，魚柳外皮香脆可口，魚肉嫩滑，蘸上湯入口更提味。湯中亦有蘆筍及甘筍。最後有呢個打卡甜品《 Casa Di Luna 提拉米蘇 》，打開星球蓋就會見到灑上咁可可粉嘅tiramisu。 cream chesse香滑，咖啡酒味濃，中間就有手指餅，因為份量多而且偏甜膩，所以一個夠2人share。