Say Hi Bar & Dining (士丹利街) (已結業)

# 不應該記起　何必偏偏記起不拖不欠又憑甚麼好妒忌Say Hi Bar & Dining 既大形月球吊燈係餐廳一大特色，一上到黎已經比佢吸引晒眼球，呢個畫面令我聯想起Gin Lee既歌「月球下的人」。餐廳除左有室內同bar位外，室外都係一個chill既選擇，如果天氣再涼d應該幾正~呢到除左menu上面既drinks list之外，仲可以個人化調酒，你想飲咩，今日有咩心情，即管同調酒師講！而食物方面就有燒物、主食等等，可以話係一間居酒屋酒吧~慢煮厚切日本四元豚肉．薯蓉．肉桂蘋果，豚肉既肉質鮮嫩鬆軟，煎至微脆既外層令整個口感更加昇華，一啲都唔肥膩。配搭埋肉桂辛香嘅玉桂蘋果醬，香甜易入口，有種食到停唔到口既感覺。香煎帶子．紅燒肉，煎至半熟既帶子，配上鮮香既蕃茄莎莎醬，帶子鮮甜嫩口，配搭埋香口惹味既紅燒肉，一啖食落去口感層次豐富，非常滿足。蟹籽炸軟殼蟹蒜香墨汁意粉，軟殼蟹原隻奉上有夠吸睛，鮮味十足，而蒜香墨汁意粉亦香口，蒜香味較出，但意粉側略乾。Moana，一眼望去已經好有海洋氣息，小呷一口，意想唔到係薑汁同梳打混合後既味道，係咁特別，冰涼口感中帶點刺激，而飲至後段帶少少甜味。Dark Vol