Casa Di Luna (已結業)

咁岩見Openrice訂枱晚市有8折，所以黎試下，叫左 4-course Dinner Menu，折完三百有找，有齊前菜、湯、主菜、甜品同餐飲。Lunch time (1:30pm-3:30pm) 仲有半價，好抵試! 餐廰座位唔多，晚市都幾full，建議要book位。燈光較暗，突顯天花掛滿既月球燈，幾浪漫。煎鴨肝配青蘋果黑醋汁 (套餐 +$30)鴨肝厚身，仲大塊過塊多士! 切開呈半流心狀態，入口充滿油脂，配脆卜卜多士同酸酸甜甜既黑醋汁，口感豐富。龍蝦湯正常發揮，每碗仲會有隻蝦。香煎羊架配牛油薯蓉有三塊羊架，上台已聞到羊肉香。配菜既小紅蘿蔔同蘆筍簡單用香草同鹽調味，食落香脆，唔會煮過淋。薯蓉軟滑中有粒粒薯仔。切開呈粉紅色，煎得剛好。封門牛柳配野菌燒汁封門柳煮到約三成熟，顏色鮮嫩。封門柳本身偏瘦，脂肪位唔多，牛肉味較重，係豐富蛋白質來源，睇落唔算大份，但都食到好飽。Tiramisu女仔見到一定心心眼! 黑色月球外型好特別! 表面沈滿朱古力粉，tiramisu cream比平時食到既流心，中間夾著浸左咖啡既蛋糕體，整體入口濕潤甜蜜。