影片
更多
2021-02-18
43 瀏覽
從來未打過食評，但今次忍唔住，要寫一寫出嚟。做做吓嘢發覺原來已經差唔多晚上九點，所以嗱嗱臨用手機叫外賣，仲未食過依間餐廳，第一次食就嗌外賣。辛苦做黎志在食，夜晚做嘢最緊要有杯好咖啡，所以唔知點解落單嘅時候我忍唔住讕係押韻咁樣喺備注寫咗句：今晚要開夜車，需要杯好咖啡，謝謝。因為住得近，配送員好快就送到，一打開啲外賣，就見到一個好sweet嘅說話寫咗係咖啡杯上面：「希望杯咖啡幫到你，加油」我相信好多餐廳啲嘢食都好好味道，但係唔係間間餐廳都有人情味。如果我真係要評論嘅話，首先所有食物都包裝得好好（詳見圖片），冇走樣，送到屋企都仲係熱辣辣嘅， 係咖啡杯嘅杯口設計係開嘅，所以就算配送員幾小心都好，都有少少咖啡同茶倒瀉左少少出嚟，不過希望各位都接受一下，等餐廳用晒依一批杯蓋，再換下批封口嘅，唔好增加堆填區壓力；而食物方面我只可以講炸薯條配黑松露醬香到我直頭一打開個袋未影相就忍唔住食咗先；芝士白汁煙鴨胸局螺絲粉&芝士白汁煙肉焗薯蓉都好食，若白汁個配方可以多啲忌廉或更濃郁啲就無敵啦👍疫情下好多行業要堅持住都唔簡單，飲食業更加係，餐廳加油！香港人加油！
做做吓嘢發覺原來已經差唔多晚上九點，所以嗱嗱臨用手機叫外賣，仲未食過依間餐廳，第一次食就嗌外賣。辛苦做黎志在食，夜晚做嘢最緊要有杯好咖啡，所以唔知點解落單嘅時候我忍唔住讕係押韻咁樣喺備注寫咗句：今晚要開夜車，需要杯好咖啡，謝謝。因為住得近，配送員好快就送到，一打開啲外賣，就見到一個好sweet嘅說話寫咗係咖啡杯上面：「希望杯咖啡幫到你，加油」
我相信好多餐廳啲嘢食都好好味道，但係唔係間間餐廳都有人情味。
如果我真係要評論嘅話，首先所有食物都包裝得好好（詳見圖片），冇走樣，送到屋企都仲係熱辣辣嘅， 係咖啡杯嘅杯口設計係開嘅，所以就算配送員幾小心都好，都有少少咖啡同茶倒瀉左少少出嚟，不過希望各位都接受一下，等餐廳用晒依一批杯蓋，再換下批封口嘅，唔好增加堆填區壓力；而食物方面我只可以講炸薯條配黑松露醬香到我直頭一打開個袋未影相就忍唔住食咗先；芝士白汁煙鴨胸局螺絲粉&芝士白汁煙肉焗薯蓉都好食，若白汁個配方可以多啲忌廉或更濃郁啲就無敵啦👍
疫情下好多行業要堅持住都唔簡單，飲食業更加係，餐廳加油！香港人加油！
張貼