影片
更多
2024-03-17
632 瀏覽
《心鉄板燒 - 尖沙咀》近排都會成日見我周圍食好西，因為生日月丫嘛☺️今次同車車 @kchelseapy 又去左食鐵板燒😉今次呢間餐廳位於亞士厘道既大廈入面，望住靚靚海景食飯真心係覺得好爽好滿足😌今次我同車車性格比好高既鐵燒精選套餐，人均$890有齊沙律、餐湯、鐵板海鮮、主菜、食鐵板燒必有既炒飯同炒什菜同埋甜品🍮食物既種類都幾多，絕對夠飽☺️💁🏻♀️野菜沙律及餐湯睇得出餐廳花咗心思喺第一道菜度，用蟹肉南瓜蓉砌成咗一個心心型嘅小菜，連沙律上面嘅玉子燒都有佢哋餐廳個名，沙律食落新鮮同埋幾開胃，餐廳方面我同車車各自揀咗一款唔同嘅，我鍾意黑松露蘑菇嘅味道，所以必然係要從松蘑菇湯👍🏻質地好濃稠，飲得到蘑菇嘅香濃，絕對係蘑菇湯愛好者必選之一💁🏻♀️大虎蝦配蕃茄辣汁師傅製作大虎蝦嘅過程我哋全程直擊住，蝦嘅肉質彈牙而且鮮味，蝦頭部份有蝦膏可以一併食埋，配上微微香辣嘅蕃茄汁，食落幾開胃，師傅將蝦腳都煎到脆卜卜，可以一併食埋💁🏻♀️大連鮑魚配脆煆醬接住落嚟就係食鮑魚嘅時間，鮑魚嘅海水味重，我個人覺得同個脆蝦醬嘅味道好夾，雖然呢度菜個重點係鮑魚，但係我覺得個脆蝦醬完全係意料之外好食，鮑魚滑彈牙，本身已經帶有鹹香
近排都會成日見我周圍食好西，因為生日月丫嘛☺️今次同車車 @kchelseapy 又去左食鐵板燒😉今次呢間餐廳位於亞士厘道既大廈入面，望住靚靚海景食飯真心係覺得好爽好滿足😌今次我同車車性格比好高既鐵燒精選套餐，人均$890有齊沙律、餐湯、鐵板海鮮、主菜、食鐵板燒必有既炒飯同炒什菜同埋甜品🍮食物既種類都幾多，絕對夠飽☺️
💁🏻♀️野菜沙律及餐湯
睇得出餐廳花咗心思喺第一道菜度，用蟹肉南瓜蓉砌成咗一個心心型嘅小菜，連沙律上面嘅玉子燒都有佢哋餐廳個名，沙律食落新鮮同埋幾開胃，餐廳方面我同車車各自揀咗一款唔同嘅，我鍾意黑松露蘑菇嘅味道，所以必然係要從松蘑菇湯👍🏻質地好濃稠，飲得到蘑菇嘅香濃，絕對係蘑菇湯愛好者必選之一💁🏻♀️大虎蝦配蕃茄辣汁
師傅製作大虎蝦嘅過程我哋全程直擊住，蝦嘅肉質彈牙而且鮮味，蝦頭部份有蝦膏可以一併食埋，配上微微香辣嘅蕃茄汁，食落幾開胃，師傅將蝦腳都煎到脆卜卜，可以一併食埋
💁🏻♀️大連鮑魚配脆煆醬
接住落嚟就係食鮑魚嘅時間，鮑魚嘅海水味重，我個人覺得同個脆蝦醬嘅味道好夾，雖然呢度菜個重點係鮑魚，但係我覺得個脆蝦醬完全係意料之外好食，鮑魚滑彈牙，本身已經帶有鹹香味，好滿足😌
💁🏻♀️石班柳配他他醬
接住落黎既都係海鮮，軟滑既石班魚塊經過煎香後外皮微脆又帶點煙韌，旁邊有件醃漬咗嘅蕃茄乾，有助為魚肉提鮮，再點上特製既他他醬後，味道會更加香濃
💁🏻♀️特級牛柳配梅漬
我終於到左主菜啦，我同車車一人一款菜式share食，特級牛柳咬落軟熟無渣，五成熟就最啱不過了，廚師已經為牛肉輕輕調味，唔洗再額外點醬汁，食完再食埋粒梅漬蕃茄就啱曬💁🏻♀️神户黑豚薄燒配蘋果蓉
另一個主菜我地揀左黑豚肉薄燒，個人覺得口味比牛柳更加濃郁重味，豚肉包住左韓國泡菜，味道辣辣地，配上清清地既蘋果蓉可以中和番油膩感，好創新既配搭
💁🏻♀️樱花蝦高菜漬炒飯及炒什菜
最後一道菜當然係炒飯同炒雜菜，師傅喺我哋面前用鐵板炒飯，可以睇到佢既手勢之餘，個香味爆發出黎都的確係會令人胃口大開，飯炒得夠乾身，粒粒分明而且帶有油香，櫻花蝦為個飯帶出左另一層鮮味同口感，而最正嘅一定要改面頭嗰個荷包蛋，蛋汁混和埋炒飯一齊食簡直係完美嘅配搭；而炒什菜既味道清新又爽口，芽菜爽脆得黎又清甜，食完個炒飯之後清清味蕾就最好不過
💁🏻♀️開心果雪糕配焦糖脆多士
甜品方面，師傅都好用心去製作，超開心嘅係竟然有開心果雪糕可以選擇，個焦糖多士即場製作，脆卜卜用嚟點雪糕就最夾啦，開心果雪糕唔算太甜，奶味較重，仲食到粒粒嘅果仁☺️最開心嘅係店員喺碟上面畫咗兩隻好可愛嘅公仔俾我哋😊睇得又食得
張貼
